2018 წლის შემოდგომაზე საქართველოში მსოფლიო საჭადრაკო ოლიმპიადა გაიმართება. მსოფლიოს 43-ე საჭადრაკო ღონისძიებაში, ბათუმში, 23 სექტემბრიდან 6 ოქტომბრის ჩათვლით მონაწილეობას 180-ზე მეტი ქვეყნის 4 ათასამდე მოჭადრაკე მიიღებს. საჭადრაკო ოლიმპიადის შესახებ ინფორმაციას საქართველოს კულტურისა და სპორტის სამინისტრო ავრცელებს.

"საჭადრაკო ოლიმპიადის ბათუმში ჩატარებას ქვეყნისა და რეგიონის ცნობადობის ამაღლების კუთხით უმნიშვნელოვანესი სპორტული ღონისძიებაა. სპორტის სასახლის მშენებლობა დამამთავრებელ ეტაპზეა, მიმდინარეობს მესამე დარბაზის მშენებლობა და გარე პერიმეტრის მოწესრიგება. ცენტრალური და რეგიონული მთავრობის ყველა შესაბამისი უწყება ყოველდღიურ რეჟიმში გააგრძელებს მუშაობას ოლიმპიადის ღირსეული მასპინძლობისთვის", - განაცხადა ზურაბ პატარაძემ, აჭარის მთავრობის თავმჯდომარემ.