საქართველოს პროკურატურაში მიაჩნიათ, რომ პრეზიდენტი გიორგი მარგველაშვილი და მისი ადმინისტრაციის წევრები ხელისუფლების სხვა შტოების, პროკურატურისა და სასამართლოს ფუნქციების შეთავსებას ცდილობენ. მარგველაშვილის ბოლოდროინდელ საჯარო მიმართვებთან დაკავშირებით პროკურატურამ ოფიციალური განცხადება გაავრცელა.

უწყება პრეზიდენტს მოუწოდებს თავი შეიკავოს პროკურორების მიმართ კონკრეტულ სისხლის სამართლის საქმეებზე მოწოდებებისგან:

"ნებისმიერი მსგავსი მოწოდება ტოვებს პროკურატურაზე ზეგავლენის მოხდენის მცდელობის შთაბეჭდილებას, რაც რა თქმა უნდა, წინააღმდეგობაში მოდის ზოგადად პროკურატურის მუშაობის დამოუკიდებლობის პრინციპთან. პროკურატურა მოქმედებდა და მოქმედებს საქართველოს კანონმდებლობით მკაცრად განსაზღვრული საკუთარი კომპეტენციის ფარგლებში და ვერც ერთი პოლიტიკური პირის განცხადება ანდა ქმედება ვერ მოახდენს ზეგავლენას პროკურატურის, თუ ნებისმიერი პროკურორის საქმიანობაზე."

გიორგი მარგველაშვილმა, გუშინ, 16 იანვარს, ტელეკომპანია რუსთავი 2-ის ეთერში ყოფილ პრეზიდენტ მიხეილ სააკაშვილზე და მის წინააღმდეგ არსებულ სისხლის სამართლის საქმეებზე ისაუბრა: