წინასწარი მონაცემებით, 2017 წელს საქართველოში საქონლით საგარეო სავაჭრო ბრუნვა 10 707,2 მილიონ აშშ დოლარს გაუტოლდა. ეს მონაცემი წინა წელთან შედარებით 13,8 პროცენტით გაიზარდა. საგარეო სავაჭრო ბრუნვის შედეგებს საქსტატი აქვეყნებს.

2017 წელს ექსპორტი 2 728 მლნ. აშშ დოლარი იყო, 2016 წელთან შედარებით 29,1 პროცენტით მეტი, ხოლო იმპორტი 7 979,2 მლნ. აშშ დოლარი, წინა წელთან შედარებით 9,4 პროცენტით მეტი.

გასულ წელს უარყოფითი ბალანსი 5 251,2 მლნ. აშშ დოლარი იყო, საგარეო სავაჭრო ბრუნვის 49 პროცენტი.