ფარეულიძე: მადლობა თითოეულ ადამიანს, რომელთაც გაიზიარეს თემირლანის ოჯახის ტრაგედია

14 Jan. 2018, 12:20

ბოლო პერიოდში განვითარებული მოვლენების შედეგად, პანკისის ხეობის მიმართ საზოგადოების არაერთგვაროვანი განწყობები გამოიკვეთა. თემირლან მაჩალიკაშვილის სიცოცხლის ხელყოფის შედეგად დატრიალებული ტრაგედიის ფონზე, პანკისელებისათვის განსაკუთრებით მნიშვნელოვანი იყო საქართველოს თითოეული მოქალაქის მხარდაჭერა და თანადგომა.

გვსურს მადლობა გადავუხადოთ თითოეულ ადამიანს, ჩვენი ქვეყნის მოქალაქეებს, რომელთაც გაიზიარეს თემირლანის ოჯახის ტრაგედია.

ჩვენთვის განსაკუთრებით მნიშვნელოვანი იყო ამ მძიმე პერიოდში ქართული საზოგადოების, ქართველი მეგობრების მხარდაჭერა, გვერდში დგომა.

განსაკუთრებული მადლობა გვსურს გადავუხადოთ ადამიანის უფლებათა სწავლებისა და მონიტორინგის ცენტრს და მის წარმომადგენელს თამთა მიქელაძეს, როგორც თემირლანის დაჭრის ეპიზოდის გამოძიების მხარდაჭერისთვის, ასევე, ზოგადად, პანკისში არსებული პრობლემატიკის კვლევა-აქტუალიზაციისათვის.

განსაკუთრებული მადლობა გვსურს გადავუხადოთ თემირლანის სამძიმარზე ჩამოსულ ქართველ მეგობრებს გამბედაობისთვის, მხარდაჭერისთვის, ტკივილის გაზიარებისთვის.

ასევე, გვსურს მადლობა გადავუხადოთ ახალგაზრდა იურისტთა ასოციაციის თავმჯდომარეს სულხან სალაძეს და საერთაშორისო ურთიერთობების სპეციალისტს გიორგი გობრონიძეს ხეობაში ჩამოსვლისთვის, მუსლიმ თემთან შეხვედრისთვის.

ჩვენთვის უაღრესად მნიშვნელოვანია თითოეული თქვენგანის ყურადღება და მხარდაჭერა, თქვენი თანადგომა იყო ნათელი მაგალითი იმისა, რომ პანკისის ხეობა არ არის ცალკე განყენებული, რომ ჩვენი ტკივილი გაზიარებულია საზოგადოების დანარჩენი ნაწილის მიერ. თქვენი სოლიდარობა პანკისის მიმართ არის იმედის მომცემი სამართლიანობის მიღწევის საქმეში.

ბოლო ამბები:

ბექხან ფარეულიძე ფარეულიძე: მადლობა თითოეულ ადამიანს, რომელთაც გაიზიარეს თემირლანის ოჯახის ტრაგედია

კომენტარები

კვირის ტოპ-5

გირჩევთ

ახლა კითხულობენ

ე.წ საბოტაჟის საქმეზე დაიკითხა ტიკ-ტოკერი ჟურნალისტი, რომელიც "სტატიებს წერს და არსად აქვეყნებს"