დღეს დიდი დღეა - უცხოური პრესის ასოციაცია წელს უკვე 75-ედ გასცემს ოქროს გლობუსს. წითელი ხალიჩა, ვარსკვლავები, მოლოდინები და აპლოდისმენტები, საინტერესო შოუ დღეს თბილისის დროით დილის 5 საათზე დაიწყება (წითელი ხალიჩა 3-ზე).

ჩვენ უკვე ვიცით ნომინანტების ვინაობა და საკუთარი ფავორიტებიც გვყვავს, ვიცით ისიც, რომ წელს საინტერესო სანახაობა გველის, რადგან შოუს წამყვანი სეთ მეიერსია იქნება, ნომინაციის წარმდგენებად კი ყველასათვის საყვარელი მსახიობები მოგვევლინებიან.

წლევანდელი შოუ განსაკუთრებულია იმითაც, რომ მერილ სტრიპს ისტორიული 31-ე ნომინაცია აქვს და ამასთანავე ცნობილია, რომ შოუს დროს საპატიო ოქროს გლობუს ოპრა უინფრის გადასცემენ.

დარწმუნებული ვარ, მოუთმენლად ელით შოუს დაწყებას, ამიტომ გთავაზობთ იმ რესურსების ჩამონათვალს, სადაც შოუს ყურება შეგიძლიათ.

მაშ ასე, პირველი რა თქმა უნდა On.ge-ს ფეისბუკ გვერდია, სადაც მართალია ლაივი არ იქნება, მაგრამ უმოკლეს დროში დაიდება ფოტომასალა წითელი ხალიჩიდან, ყველაზე ადრე გაიგებთ გამარჯვებულების ვინაობას და საინტერესო ფაქტებს შოუს მსვლელობის დროს.

რაც შეეხება პირდაპირ ეთერს, პირველ რიგში თავად ოქროს გლობუსის ფეისბუკ გვერდზე შეგიძლიათ მისი ნახვა. იმ შემთხვევაში, თუ ლაივ სტრიმმა გაჭედა, გთავაზობთ ალტერნატიულ ვერსიებს:

ყოველი ახალი ალტერნატივის გამოჩენის შემთხვევაში სტატია განახლდება.

ასე რომ, მოიმარაგეთ სასუსნავები და ერთად ვუყუროთ ოქროს გლობუსის 75-ე ცერემონიალს.