საქართველოს პრეზიდენტი კონტროლის პალატის ყოფილი ხელმძღვანელის სულხან მოლაშვილის გარდაცვალების გამო მწუხარებას გამოთქვამს და მისი ოჯახის წევრებს თანადგომას უცხადებს.

"ამ მძიმე წუთებში ბატონი სულხანის ოჯახთან და ახლობლებთან ერთად ვიზიარებ ამ დიდ დანაკლისს და თანადგომას ვუცხადებ მათ" - წერია განცხადებაში.

სულხან მოლაშვილი დღეს დილით გარდაიცვალა. ის ვარდების რევოლუციამდე საქართველოს კონტროლის პალატის თავმჯდომარე იყო.

2004 წელს ის დააკავეს სამსახურეობრივი მოვალეობის გადამეტებისა და სახელმწიფოს თანხების მითვისების ბრალდებით, 2008 წელს მოლაშვილი პრეზიდენტის მოვალეობის შემსრულებელმა ნინო ბურჯანაძემ შეიწყალა.

მოლაშვილის საქმე გასაჩივრებული იყო სტრასბურგის ადამიანის უფლებათა ევროპულ სასამართლოში, სადაც დადგინდა, რომ საქართველომ მოლაშვილის მიმართ დაარღვია ადამიანის უფლებათა ევროპული კონვენციის 4 მუხლი, მათ შორის წამებაც.