ესპანელმა რეჟისორმა, პედრო ალმოდოვარმა 2017 წლის საუკეთესო ფილმად ლუკა გუადანინოს Call Me By Your Name დაასახელა.

როგორც ალმოდოვარი ამბობს, ეს ფილმი კინოს მოყვარულთათვის სამოთხეში მოგზაურობას ჰგავს. რეჟისორის ამბობს იმასაც, რომ მთავარი როლის შემსრულებელი ტიმოთი შალამე, რომელიც ცოტა ხნის წინ ოქროს გლობუსისა და კინომსახიობთა გილდიის ჯილდოს ნომინანტიც გახდა, მისთვის წლის ერთ-ერთი მთავარი აღმოჩენაა.

"ამ ფილმში ყველაფერი ლამაზი, სასურველი და მიმზიდველია: ბიჭები, გოგოები, სადილი, ხილი, სიგარეტი, ველოსიპედები, ცეკვა ღია ცის ქვეში, 80-იანები, პერსონაჟის ურთიერთობა საკუთარ მშობლებთან და ა.შ. ვფიქრობ, რომ ეს კინოსურათი წლევანდელი წლის მთავარი მოვლენაა", - ამბობს პედრო ალმოდოვარი.

ფილმის სიუჟტი 1983 წლის ზაფხულში, იტალიის ერთ-ერთ რეგიონში ვითარდება. 17 წლის, ელიო პერლმანი, ოჯახთან ერთად, თავის მე-17 საუკუნის ვილაში ისვენებს, სადაც ის ამერიკიდან ჩამოსულ დოქტორანტ ოლივერს გაიცნობს, რომელიც ელიოს მამასთან მუშაობს. მზით გაბრწყინებულ გარემოში ელიო და ოლივერი ზაფხულის განმავლობაში ერთმანეთის მიმართ მძაფრი ლტოლვის გაღვიძებას აღმოაჩენენ, რაც სამუდამოდ შეცვლის მათ ცხოვრებას.

ლუკა გუადანინოს ფილმი 2018 წლის ოსკარის ერთ-ერთ მთავარ ფავორიტადაც სახელდება.