NATO თურქეთს სოლიდარობას უცხადებს. განცხადებას ჩრდილო-ატლანტიკური ალიანსის ვებგვერდზე გენერალური მდივანი ავრცელებს.

"ვგმობ იმ საშინელ თავდასხმას, რომელიც სტამბოლში ათათურქის აეროპორტში მოხდა. სამძიმარს და თანაგრძნობას ვუცხადებ გარდაცვლილთა ოჯახებს, დაშავებულებს და თურქ ხალხს" - წერს სტოლტენბერგი.

ნატოს გენერალური მდივანი ამბობს, რომ ტერორიზმის მიმართ არავითარი შემწყნარებლობა არ უნდა არსებობდეს.

"სოლიდარობას ვუცხადებთ თურქეთს. ჩვენ ერთად შევებრძოლებით ტერორიზმის ყველა ფორმას".

ბოლო ცნობებით, გუშინ ღამით ათათურქის აეროპორტში მომხდარი აფეთქების შედეგად 36 ადამიანი დაიღუპა და 140 დაშავდა.