დღეს, 13 დეკემბერს, 17 საათზე აფხაზეთში, ორი ადამიანი, პაველ არძინბა და დმიტრი ხაგბა მერსედეს ბენცის მარკის ავტომობილში ჩაცხრილეს. ამის შესახებ ინფორმაციას ოკუპირებული რეგიონის შინაგან საქმეთა სამინისტრო ავრცელებს.

ე.წ. შსს-ს ცნობით, უწყება დანაშაულში მონაწილე პირების იდენტიფიცირებასა და დაკავებაზე მუშაობს.

მოკლული პაველ არძინბა, დე ფაქტო აფხაზეთის მესამე პრეზიდენტის, ალექსანდრე ანქვაბის მკვლელობის მცდელობის და მისი დაცვის ორი თანამშრომლის მკვლელობის საქმეზე საერთაშორისო ძებნაში გამოაცხადეს. 2017 წლის 26 სექტემბერს არძინბა აფხაზეთის ე.წ. პროკურატურაში დაკითხვაზე თავისი ნებით გამოცხადდა, სადაც იგი დააკავეს და დაკითხეს, თუმცა მოგვიანებით სასამართლოს გადაწყვეტილებით გირაოს სანაცვლოდ გათავისუფლდა.