ევროკომისიის პრეზიდენტმა ჟან-კლოდ იუნკერმა ნაიჯელ ფარაჯს და ბრექსითის სხვა კანონმდებლებს ევროპარლამენტის სხდომაზე მიმართა.

"ჩვენ პატივი უნდა ვცეთ ბრიტანელების დემოკრატიულ გადაწყვეტილებას EU რეფერენდუმზე" - განაცხადა ჟან-კლოდ იუნკერმა.

მის სიტყვებს ბრექსითის კანონმდებლების მხრიდან აპლოდისმენტები მოჰყვა.

"თქვენ მე უკანასკნელად მიკრავთ ტაშს" - დასძინა იუნკერმა, რასაც კიდევ უფრო ხმამაღალი ოვაციები მოჰყვა ბრიტანელი კანონმდებლების მხრიდან.

"გაოცებული ვარ თქვენი აქ ყოფნით, საერთოდ რატომ ხართ აქ? თქვენ მხარი დაუჭირეთ ევროკავშირიდან დიდი ბრიტანეთის გასვლას" - თქვა ჟან-კლოდ იუნკერმა.

ევროპარლამენტში, რიგგარეშე პლენარული სხდომა გაიმართა, სადაც ბრექსითის შედეგები განიხილეს. სხდომაში მონაწილეობდა ევროკომისიის პრეზიდენტი ჟან კლოდ იუნკერი და საბჭოს სხვა წარმომადგენლები.

დებატების შემდეგ, პარლამენტმა ბრიტანეთის რეფერენდუმის შესახებ რეზოლუციას უყარა კენჭი, სადაც აღნიშნულია, რომ ბრიტანეთის მთავრობამ მისი ხალხის დემოკრატიულ გადაწყვეტილებას პატივი უნდა სცეს, ევროკავშირიდან გასვლის პროცედურების სწრაფი და თანმიმდევრული განხორციელებით.