ადმიანის უფლებათა დაცვის კომიტეტის თავმჯდომარე, ეკა ბესელია განმარტავს, რომ თავდაცვის მინისტრის მიერ სავალდებულო სამხედრო სამსახურის გაუქმებასთან დაკავშირებით მიღებული გადაწყვეტილება წინასაარჩევნოდ გადადგმულ ნაბიჯად არ უნდა აღიქვას საზოგადოებამ:

"როდესაც პრემიერმინისტრი, მთავრობის მეთაური, როდესაც პარლამენტი და კომიტეტის თავმჯდომარე ბატონი სესიაშვილი, პრეზიდენტი - მთავარსარდალი, სამივე ამ პირმა გამოთქვა უკმაყოფილება. ეს ნიშნავს, რომ ის საუბრები, რაც იყო გადაწყვეტილების ამ ფორმით გამოცხადებისთვის, არ იყო საკმარისი".

გუშინ თინა ხიდაშელმა მედიასთან გამართულ შეხვედრაზე ხელი იმ გადაწყვეტილებას მოაწერა, რომლის თანახმადაც, თავდაცვის სამინისტრო სავალდებულო სამხედრო სამსახურში მოქალაქეებს აღარ გაიწვევს.

თუმცა, როგორც On.ge-ს თავდაცვის სამინისტროში განუმარტეს, აღნიშნული ცვლილება სამხედრო მოსამსახურეთა მხოლოდ იმ 25%-ს შეეხება, რომლებსაც სწორედ ეს უწყება იწვევდა ჯარში, დანარჩენ 75%-ს კი, რომელსაც შსს და სასჯელაღსრულების დეპარტამენტი იწვევს, ცვლილებები არ შეეხება.

აღნიშნულ გადაწყვეტილების მიღებასთან დაკავშირებით შეუთანხმებლობაზე საუბრობენ როგორც პრემიერმინისტრი, ისე პრეზიდენტი და თავდაცვის კომიტეტის თავჯდომარეც.

საკითხის განხივლა იგეგმება როგორც მთავრობის, ისე უშიშროების საბჭოს სხდომაზეც.