ვენესუელას პრეზიდენტის, ნიკოლას მადუროს განცხადებით, ვენესუელა ქვეყნის ეკონომიკურ სირთულეებს და აშშ-ს პრეზიდენტის, დონალდ ტრამპის ადმინისტრაციის მიერ, მოწყობილ ეკონომიკურ ბლოკადას საკუთარი კრიპტო ვალუტის წარმოებით უპასუხებს. კრიპტოვალუტა, მადუროს აზრით, ქვეყანას შექმნილი უმძიმესი ეკონომიკური კრიზისის დაძლევაში დაეხმარება. გეგმებზე მადურომ რამდენიმე დღის წინ ისაუბრა.

მისი თქმით, სახელმწიფოს მიერ წარმოებული კრიპტოვალუტის სახელი "პეტრო" იქნება. მადუროს აზრით, კრიპტოვალუტა ქვეყანას დაეხმარება, გვერდი აუაროს ქვეყანაზე დაწესებულ ეკონომიკურ სანქციებს და მოიძიოს საერთაშორისო ფინანსირება ქვეყნის ეკონომიკური და სოციალური განვითარებისთვის.

მადუროს განცხადებით, ახალ კრიპტოვალუტას გამყარებას ოპეკი და ქვეყნის ნაციონალური ნავთობის, გაზისა და ოქროს რეზერვები უზრუნველყოფს.

ჯერჯერობით უცნობია თუ როდის დაიწყება ახალი კრიპტოვალუტის წარმოება და რა ფორმით გავრცელდება მოსახლეობაში.

ბოლო წლებში შექმნილი უმძიმესი ეკონომიკური კრიზისის ფონზე ქვეყნის ნაციონალურმა ვალუტამ გაუფასურების მსოფლიო რეკორდი დაამყარა.

ვენესუელაში არსებული ვითარების შესახებ გაიგეთ მეტი.