უკრაინის შინაგან საქმეთა მინისტრმა არსენ ავაკოვმა აქტივისტებს მოუწოდა, შეწყვიტონ ოპოზიციური ტელეარხის, NewsOne-ის პიკეტირება, რომელიც კიევში 3 დეკემბერს დაიწყო. აღნიშნულს წინ უძღოდა მიხეილ სააკაშვილის მიერ უკრაინის დედაქალაქში ორგანიებული მრავალათასიანი საპროტესტო მსვლელობის პირდაპირ ეთერში გაშუქება. სააკაშვილმა და მისმა მომხრეებმა უკრაინის პრეზიდენტის იმპიჩმენტი მოითხოვეს. თავის მხრივ, ოპოზციის მოწინააღმდეგე აქტივისტებმა ჩაკეტეს ოპოზიციური ტელეარხის შესასვლელი. NewsOne უკრაინის საკანონმდებლო ორგანოს უფრაქციო დეპუტატს, ევგენი მურაიევს ეკუთვნის.

"მურაიევი ნაძირალა და პროვოკატორია. მე მოვიწოდებს აქტივისტებს: NewsOne-ის ბლოკირება უნდა შეწყდეს. არამზადებისგან მსხვერპლის შექმნა მიუღებელია. არხის მფლობელებმა და რედაქტორებმა უნდა შეწყვიტონ ხალხის პროვოცირება", – 4 დეკემბერს დაწერა არსენ ავაკოვმა ტვიტერის პირად გვერდზე.