თბილისის პროკურატურის განცხადებით, არც ერთი არც ერთი ბრალდებულის ოჯახის წევრი ან ახლო ნათესავი უწყების თაამშრომელი არაა.

მათივე თქმით, ხორავას ქუჩაზე ჩხუბის ერთ-ერთი მონაწილის მშობელი მართლაც არის პროკურატურის თამაშრომელი, თუმცა იგი 2014 წლიდან ადამიანური რესურსების მართვისა და განვითარების დეპარტამენტში მუშაობს და თანამდებობიდან გამომდინარე არც აღნიშნულ და არც სხვა გამოძიებებთან შეხება მას არ აქვს:

"ასევე ხაზი უნდა გაესვას იმ გარემოებას, რომ ნებისმიერი დანაშაულის ჩამდენი პირის ნათესაური კავშირი პროკურატურის მუშაკთან ვერცერთ საქმეზე ვერანაირ გავლენას ვერ მოახდენს მიმდინარე გამოძიებაზე და მსგავსი პრეცედენტი არ არსებობს".

უწყების განმარტებით, ნებისმიერი პროკურორის მიმართ შესაძლო მიკერძოებულობასთან დაკავშირებით კითხვების შემთხვევაში აცილებული იქნება სისხლის სამართლის საქმიდან.

თბილისის პროკურატურამ 51-ე სკოლასთან არასრულწლოვნის მიმართ განზრახ მკვლელობის შესაძლო ფაქტზე ორ მოზარდს ბრალი ოფიციალურად წაუყენეს.