საზოგადოებრივი მაუწყებლის ინფორმაციით, ტელევიზიას ახალი შენობის ასაშენებლად პოლიტკოვსკაიას ქუჩაზე არსებული ორი ჰექტარი მიწის ნაკვეთი ფართობი გადაეცემა.

საზოგადოებრივი მაუწყებლის სამეურვეო საბჭომ და მენეჯმენტმა ეკონომიკის სამინისტროს მიმართეს თხოვნით, რომ ახალი შენობის ასაშენებლად მიწა გამოეყო. ეკონომიკის სამინისტროს მიერ შეთავაზებულ მიწის ნაკვეთს სამეურვეო საბჭოს 9 წევრიდან შვიდი დაეთანხმა, ხოლო ორმა თავი შეიკავა.

პოლიტკოვსკაიას ქუჩაზე პირველი არხის შენობა დაახლოებით, სამ წელიწადში აშენდება იმ პროექტით, რომელიც კონკურსის შედეგად შეირჩა. ტენდერში გამარჯვებულმა კომპანიამ ტელევიზიის დიზაინს 999 999 ლარად შექმნის.

პირველი არხის განმარტებით, კოსტავას ქუჩაზე არსებული ქონების გასხვისების შედეგად მიღებულ თანხას გამოიყენებს ახალი შენობისთვის და ტექნიკური გადაიარაღებისთვის.

დეტალურად პროექტის შესახებ ინფორმაციის მისაღებად ეწვიეთ ბმულს.