ევროპული საქართველოს ერთ-ერთი წევრის სერგი კაპანაძის თქმით, საპარლამენტო უმცირესობა საკონსტიტუციო ცვლილებების საყოველთაო განხილვაში მონაწილეობას არ მიიღებს.

"ხელისუფლებამ არ გაითვალსიწინა ის მთავარი მოთხოვნები, რომელიც საზოგადოებას გააჩნდა, მათ შორის, პირველ რიგში 2020 წელს არჩევნები ჩატარებულიყო პროპორციულად და პრეზინდეტის არჩევითობა შენარჩუნებულიყო. ჩვენთვის ეს იყო ორი, პრინციპული და ფუნდამეტური მოთხოვნა, მაგრამ ხელისუფლებამ არ გაითვალისწინა და მიიღო ერთპარტიული კონსტიტუცია, მარტო დარჩა ყველას წინააღმდეგ", - ევროპული საქართველოს წევრი სერგი კაპანაძე.

დღეს, 27 ნოემბერს, პარლამენტში საკონსტიტუციო ცვლილებების პროექტის განხილვა განახლდა. განხილვაში მონაწილეობას ოპოზიცია არ იღებს.

საკონსტიტუციო ცვლილებები

26 სექტემბერს პარლამენტმა მესამე მოსმენიით მიიღო საკონსტიტუციო ცვლილებების პროექტი. ოპოზიციას კენჭისყრაში მონაწილეობა არ მიუღია

პრეზდენტმა კონსტიტუციას ვეტო 9 ოქტომბერს დაადო და მოტივირებულ შენიშვნებში ასახა ევქი პუნქტი. ევქსი შენიშვნიდან ოთხზე ქართულ ოცნებას თავიდანვე ნათქვამი ჰქონდა, რომ ცვლილებებს შეიტანდა. დამატებითი ორი შენიშვნა პრეზიდენტმა ოპოზიციასთან კონსულტაციების შემდეგ მიიღო: პროპორციული საარჩევნო სისტემის 2020 წლის არჩევნებზე ამოქმედება და პრეზიდენტის პირდაპირი წესით არჩევა.

შეთანხმებული ოთხი საკითხის გარდა პრეზიდენტის მიერ ვეტოში სხვა საკითხების დამატება მიუღებელი აღმოჩნდა უმრავლესობისთვის. მათ პრეზიდენტის ვეტო დაძლიეს და განაცხადეს, რომ ისინი თავიდან წამოიწყებდნენ საკონსტიტუციო ცვლილებების პროცესს და ასე შეიტანდნენ კონსტიტუციაში ამ ოთხ ცვლილებას.

პრეზიდენტმა კონსტიტუციას ხელი 20 ოქტომბერს მოაწერა, 2 ნოემბერს კი უკვე ოთხი შესწორების შესახებ პროექტი უმრავლესობამ პარლამენტში დაარეგისტრირა.

საპარლამენტო უმრავლესობის მიერ ინიცირებული საკონსტიტუციო ცვლილებებში არის ოთხი შესწორება: ბონუსის სისტემის გაუქმება, ბლოკების ერთჯერადად დატოვება, რწმენის თავისუფლებასთან დაკავშირებით ჩანაწერის დაზუსტება და დაზუსტდება საკონსტიტუციო სასამართლოს უფლებამოსილებები არჩევნებთან დაკავშირებით.