სტუდენტები თავისუფლებისთვის - თბილისის რეგიონალური კონფერენცია

25 ნოემბერს თბილისი ივენთ ჰოლში რეგიონში ყველაზე მასშტაბური სტუდენტური შეკრება – European Students For Liberty-ს თბილისის რეგიონალური კონფერენცია გაიმართება. კონფერენციის მიზანია კლასიკური ლიბერალური იდეებისა და ღირებულებების გაზიარება სამხრეთ კავკასიის ქვეყნებისთვის.

“ჩვენი მიზანია, ავარჩიოთ საუკეთესო სტუდენტები და მივცეთ მათ ცოდნა იმასთან დაკავშირებით, თუ როგორ განავრცონ იდეები, როგორ მიიღონ მეტი გამოწვევა და დაიცვან რეგიონის თავისუფალი მომავალი” - ალექსანდრ კოკოტოვიჩი, ევროპელი სტუდენტები თავისუფლებისთვის, ხელმძღვანელი.

რეგიონალური კონფერენცია თბილისში უკვე მეოთხედ ტარდება და ასობით თავისუფლად მოაზროვნე ახალგაზრდას აერთიანებს. 2017 წლის კონფერენცია 500-ზე მეტ სხვადასხვა უნივერსიტეტის სტუდენტსა და კურდამთავრებულს უმაპსპინძლებს.

კონფერენციაზე დასწრება თავისუფალია და რეგისტრაცია 25 ნოემბრამდე გაგრძელდება. რეგისტრაციისთვის ეწვიეთ ოფიციალურ საიტს.

კონფერენციის ძირითადი ნაწილი დაეთმობა კლასიკური ლიბერალური პრინციპების განხილვას. მოწვეული მომხსენებლები სტუდენტებთან შესახვედრად აშშ-დან, გერმანიიდან, სერბეთიდან, ლიტვიდან, ბოსნია და ჰერცოგოვინადან ჩამოვიდნენ.

მეცნიერებისა და პოლიტიკის ჭიდილი, თავისუფალი ბაზრის პრინციპები და საბაზრო ეკონომიკა, დეცენტრალიზაცია და სახელმწიფოს როლი თავისუფალ საზოგადოებაში, ტექნოლოგიური პროგრესი და კრიპტოვალუტები, ადამიანები, რომლებმაც შეცვალეს საქართველო - სტუდენტებს ექნებათ შესაძლებლობა ამ და სხვა თემებზე დასვან კითხვები და აქტიური მონაწილეობა მიიღონ დისკუსიაში.

კონფერენციის აკადემიური ნაწილი დილის 10:00 საათიდან საათიდან 19:00 საათამდე გაგრძელდება. საგანმანათლებლო მასალის, ვორქშოპების, კვების და სხვა ხარჯები კონფერენციის მხარდამჭერმა ორგანიზაციებმა გაიღეს.

კონფერენციის მხარდამჭერები არიან ფრიდრიხ ნაუმანის ფონდი, European Students for Liberty, აინ რენდის ინსტიტუტი, ATLAS NETWORK-ი და CATO Institute.

რეგინალური კონფერენცია არასამთავრობო ორგანიზაცია Georgian Students For Liberty-ის ორგანიზებით იმართება.