თბილისის ახალარჩეული მერი, კახა კალაძე C.T. Park-ზე საუბრისას ამბობს, რომ სამართლებრივი მიდგომები იქნება. მერის თქმით, ამით სიახლეს არ ამბობს.

"ამას ვამბობდი წინასაარჩევნოდ და ვიმეორებ ახლაც", - დასძინა მან.

კახა კალაძემ 18 სექტემბერს თბილისის სატრანსპორტო გეგმის პრეზენტაციისას განაცხადა, რომ როგორც კი მერიაში შევა, მაშინვე დასრულდება ის უმსგავსობა, რაც პარკირებასთან დაკავშირებით ქალაქში ხდება.

არჩევნებამდე თბილისის მოქმედმა მერმა, დავით ნარმანიამ განაცხადა, რომ C.T. Park-თან მოლაპარაკებით ვერაფერს გახდა, მაგრამ მიესალმება მომავალი მერი უფრო მკაცრ ზომებს თუ გაატარებს.