სამდღიანი გამყარების შემდეგ ლარი ევროსთან და აშშ დოლართან ისევ გაუფასურდა. ეროვნული ბანკის 9 ნოემბრის კურსით, ლარი ევროსა და აშშ დოლარის გარდა კიდევ 40 ვალუტასთან გაუფასურდა.

ეროვნული ბანკის კურსით, ხვალიდან ერთი აშშ დოლარი 2,6272 ლარი ეღირება, ერთი ევრო კი - 3,0468 ლარი.

ერთი ევროს ღირებულებამ სამ ლარს, ისტორიაში პირველად, წელს რამდენჯერმე გადააჭარბა. ყველაზე მაღალი კურსი (ერთი ევრო - 3,0625 ლარი) 3 ნოემბერს დაფიქსირდა.