თბილისი-რუსთავი-წითელი ხიდის ავტომაგისტრალზე ავარიის შედეგად ოთხი კაცი დაიღუპა. ამის შესახებ On.ge-ს შინაგან საქმეთა სამინისტროში უთხრეს. უწყების განცხადებით, შემთხვევა დღეს, პირველ ნოემბერს საღამოს მოხდა.

შსს-ს პრესსამსახურის ინფორმაციით, მერსედესის მარკის ავტომობილი ბილბორდის ბოძს შეეჯახა.

მომხდარზე გამოძიება სისხლის სამართლის კოდექსის 276-ე მუხლის მეშვიდე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ორი ან ორზე მეტი სიცოცხლის მოსპობა.

დანიშნულია შესაბამისი ექსპერტიზა და მიმდინარეობს საგამოძიებო მოქმედებები.