საქართველოს პრემიერმინისტრი გიორგი კვირიკაშვილი აცხადებს, რომ დღეს სიმბოლურ ფასად - 1 ლარად 71 ეკომიგრანტ ოჯახს სახლი და მასთან დაკავშირებული მიწის ნაკვეთი გადეცა. აქედან 44 ოჯახს - კახეთში, 27-ს კი - ქვემო ქართლში.

კვირიკაშვილის თქმით, ეს ფაქტი მისასალმებელია, რადგან ქვეყანაში ეკომიგრანტების პრობლემა საკმაოდ მძიმეა და სახელმწიფომ ოჯახებს ცხოვრების შესაბამისი პირობებით უზრუნველყოფაში ხელი უნდა შეუწყოს.

პრემიერის განცხადებით, მიმდინარე წლის განმავლობაში სულ 302 ეკომიგრანტ ოჯახს გადაეცა სახლი თავისი მიწის ნაკვეთით.