"ჩვენი ისტორია ჯერ არ დასრულებულა. იქნება რევანში", — ამის შესახებ სოციალურ ქსელში ქართველი ჩემპიონი ილია თოფურია ჯასტინ გეიჯისთან დამარცხების შემდეგ წერს. მისი თქმით, "განიკურნება, დაისვენებს და დაბრუნდება უფრო ძლიერი, ბრძენი და საშიში".

"ჯასტინ, გილოცავ. შენ თქვი, რომ შენს კვალს დატოვებდი ჩემს სახეზე... და შენ გააკეთე.
მარჯვენა თვალიდან პირველ რაუნდში მომაშორე მხედველობა, მეორეს ბოლოს კი მარცხნიდანაც.

არავითარი თავის მართლება.

ჩემს ცხოვრებაში ერთ-ერთი საუკეთესო წრთვნა გავიარე. მოვედი მხნე და მომზადებული. წინა ღამე შენი იყო.

ასეთია ამ თამაშის ბუნება. დიდება და ტკივილი გვერდიგვერდ მიდის.

მე განვიკურნები. დავისვენებ და დავბრუნდები უფრო ძლიერი, ბრძენი და საშიში.

დამიჯერე, ჩვენი ისტორია ჯერ არ დასრულებულა. იქნება რევანში", — წერს ქართველი ჩემპიონი ილია თოფურია ჯასტინ გეიჯისთან დამარცხების შემდეგ.

შეგახსენებთ, 14 ივნისს ამერიკის 250-ე დაბადების დღესთან დაკავშირებით, თეთრმა სახლმა UFC-ს ისტორიული Freedom 250 საბრძოლო სერიას უმასპინძლა. ოქტაგონზე, მსუბუქი დივიზიონის (70კგ) საჩემპიონო ბრძოლაში, ამერიკელმა ჯასტინ გეიჯმა ქართველი ილია თოფურია დაამარცხა.

ორთაბრძოლა ოთხ რაუნდს გაგრძელდა, მიღებული დაზიანებების გამო ილია თოფურიამ ბრძოლის გაგრძელება ვეღარ შეძლო.