საზოგადოებრივი მაუწყებლსი სამეურვეო საბჭოს წევრი ლაშა ტუღუში "ტვ პირველის" ეტერში აცხადებს, რომ საჩივრის წერილით მიმართა საზოგადოებრივი მაუწყებლის დირექტორის თნათნ ბერძენიშვილს და სამეთვალყურეო საბჭოს თავმჯდომარეს, ვასილ მაღლაფერიძეს იმის შესახებ, რომ შეხვედრა გაიმართოს პირველის არხის ეთერში მომხდარ ინციდენტზე, რომელის დროსაც 10 წლის ბავშვა გონება დაკარგა. ლაშა ტუღუში აცხადებს, რომ სამეთვალყურეო საბჭო აუცილებლად უნდა იყოს ჩართული პროცესში და უნდა გაარკვიოს რა მოხდა და თუ ვინმესთვის პასუხია მოსათხოვი, უნდა მოეთხოვოს.

"საჩივრით მივმართე დირექტორს, მივმართე ასევე სამეთვალყურეო საბჭოს იმისთვის, რომ გაიმართოს შეხვედრა. ველოდები. თავმჯდომარემ წესით და რიგით უნდა დანიშნოს სხდომა, სადაც უნდა მოვისმინოთ გენერალური დირექტორის მოსაზრებები, პოზიცია. მე მას მოვთხოვე ასევე საბუთების წარმოდგენა, ასევე მოვთხოვე, თუ არსებობს, ასეთი რამე უნდა გაკეთდეს და წარმოადგინოს იმისათვის, რომ სამეთვალყურეო საბჭო აუცილებლად უნდა იყოს ჩართული პროცესში და მან აუცილებლად უნდა გაარკვიოს რაშია საქმე და მოითხოვოს, თუ პასუხია მოსათხოვი, ვისზეა მოსათხოვი, როგორ არის მოსათხოვი, ეს ყველაფერი უნდა გააკეთოს აუცილებლად სამეთვალყურეო საბჭომ", — აცხადებს ლაშა ტუღუში.

11 ივნისს სოციალურ ქსელში გავრცელდა ვიდეო, სადაც "პირველი არხის" პირდაპირ ეთერში მუსიკალური ნომრის დაწყებიდან მალევე, უკანა რიგში მდგომი ერთ-ერთ ბავშვი მოწყვეტით ეცემა, მაგრამ გარშემომყოფები მუსიკალურ ნომერს არ წყვეტენ და სიმღერა გრძელდება.

საზმაუს ეთერში სიმღერის დროს წაქცეული10 წლის ბავშვის დედა თამარ აკობია "ტვ პირველთან" საუბრისას აცხადებს, რომ მომხდარის შესახებ სამართლებრივი ნაბიჯების გადადგმას არ აპირებდა, მაგრამ "იმდენად ვერ აცნობიერებენ რა მოხდა და შეტევაზე გადმოდიან, რომ ალბათ, დააპირებს". მისი თქმით, სიმღერის აკადემიასთან ყველანაირი კავშირი გაწყვიტა, რადგან მათ საფრთხედ აღიქვამს.