პოლიტიკური მოძრაობა ჯერ საქართველოს დამფუძნებლებმა, ეროვნულ ეკონომიკაზე სასაუბროდ, თანამოაზრეებთან მორიგი შეხვედრა გამართეს.

პოლიტიკური მოძრაობის წარმომადგენლების თქმით, "მაშინ, როდესაც ქართული ოცნება, მშპ-ს მანიპულაციური ზრდით აზავებს პროპაგანდას და სუს-ის პირით ესაუბრება ქართულ ბიზნესს, მათი ხედვა, ერთის მხრივ, მოწოდებაა ეკონომიკის როლისა და მნიშვნელობის გადააზრებისკენ, ხოლო მეორეს მხრივ — ფუნდამენტურად ახლებურ ჩარჩოს აყალიბებს სახელმწიფოსა და ბიზნესს შორის ურთიერთობებში".

"ჩვენი პოლიტიკური გუნდის მიზანია შევქმნათ სახელმწიფო ინსტიტუტების მაღალი მომსახურების ხარისხით, საერთო წესრიგის მიმართ სანდოობითა და მცოდნე, ეფექტიანი ადამიანური კაპიტალით გამყარებული ეკონომიკური გარემო. ინკლუზიური გარემო, რომელიც ჯერ იმპორტსა და მოხმარებაზე დამოკიდებულებას ჩაანაცვლებს ექსპორტზე ორიენტირებული ეროვნული პოლიტიკით, შემდეგ ლიდერის როლს დაგვიბრუნებს რეგიონში, ხოლო გაუმჯობესების მთელი ეს პროცესი — ერთგვარი გარბენი იქნება საქართველოს ნახტომისთვის პირველ სამყაროში", — ითქვა შეხვედრაზე