დღეს, 27 მაისს, ახალციხეში, კოსტავას ქუჩაზე მდებარე კორპუსის მეხუთე სართულიდან ქალი გადმოვარდა. "სამხრეთის კარიბჭის" ცნობით, ადგილზე მობილიზებულია პოლიცია, სამაშველო სამსახური და სასწრაფო სამედიცინო დახმარების ჯგუფი.

თვითმხილველების ინფორმაციით, ქალი უკვე კლინიკაშია გადაყვანილი.

"პირველი სართულის მიშენების სახურავზე დავარდა, კონტაქტური იყო, გადაიყვანეს კლინიკაში", – უთხრა ერთ–ერთმა თვითმხილველმა ადგილობრივ გამოცემას.

მომხდარის შესახებ დამატებითი დეტალები ამ დროისთვის უცნობია.