დონალდ ტრამპი: კატარის ემირმა და საამიროების პრეზიდენტმა მთხოვეს, თავი შევიკავოთ ირანზე დაგეგმილი თავდასხმისგან

19 May. 2026, 11:19

"კატარის ემირმა თამიმ ბინ ჰამად ალ თანმა, საუდის არაბეთის ტახტის მემკვიდრე პრინცმა მუჰამედ ბინ სალმან ალ საუდმა და არაბთა გაერთიანებული საამიროების პრეზიდენტმა მუჰამედ ბინ ზაიედ ალ ნაჰიანმა მთხოვეს, თავი შევიკავოთ ირანის ისლამურ რესპუბლიკაზე დაგეგმილი სამხედრო თავდასხმისგან, რომელიც ხვალისთვის იყო ჩანიშნული, ვინაიდან ამჟამად სერიოზული მოლაპარაკებები მიმდინარეობს. მათი, როგორც დიდი ლიდერებისა და მოკავშირეების აზრით, მიღწეული იქნება შეთანხმება, რომელიც სრულიად მისაღები იქნება ამერიკის შეერთებული შტატებისთვის, ისევე როგორც ახლო აღმოსავლეთისა და მის ფარგლებს გარეთ არსებული ყველა ქვეყნისთვის. რაც მთავარია, ეს შეთანხმება მოიცავს პუნქტს: არანაირი ბირთვული იარაღი ირანს!

ზემოაღნიშნული ლიდერებისადმი პატივისცემის ნიშნად, მე მივეცი მითითება ომის მდივანს პიტ ჰეგსეტს, შტაბების გაერთიანებული კომიტეტის თავმჯდომარეს გენერალ დანიელ კეინს და ამერიკის შეერთებული შტატების სამხედრო ძალებს, რომ ხვალ ირანზე დაგეგმილ თავდასხმას არ განვახორციელებთ. თუმცა, დამატებით ვუბრძანე მათ, მზად იყვნენ ირანზე სრულმასშტაბიანი, დიდი იერიშის დასაწყებად ნებისმიერ მომენტში, იმ შემთხვევაში, თუ მისაღები შეთანხმება ვერ იქნება მიღწეული. გმადლობთ ამ საკითხისადმი ყურადღებისთვის!"

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

ჯო უილსონი: მადლიერი ვარ, რომ პრეზიდენტი ტრამპი ამ გარიყული სახელმწიფოსგან ქცევის შეცვლას მოითხოვს!