ცნობილი იტალიელი ფეხბურთელი პაოლო მალდინი, რომელიც წლების განმავლობაში კახა კალაძესთან ერთად საფეხბურთო კლუბ მილანში თამაშობდა, ყოფილ თანაგუნდელს თბილისის მერად არჩევას ულოცავს.

"ვულოცავ თბილისის ახალ მერს. ბედნიერი ვარ შენ გამო #Kaladze" – წერს მალდინი თავის ოფიციალურ გვერდზე.

ცენტრალური საარჩევნო კომისიის წინასწარი მონაცემების მიხედვით, ადგილობრივი თვითმმართველობის არჩევნებში კახა კალაძემ ხმების 51,12%-ის მიღების შედეგად გაიმარჯვა. მეორე ადგილზე დამოუკიდებელი კანდიდატი ალეკო ელისაშვილი გავიდა 17,49%-ით, ხოლო ენმ-ს კანდიდატმა ზალიკო უდუმაშვილმა 16,55% დააგროვა.