"ქართველი ხალხი იმსახურებს თავისუფლებაზე და იმ ღირებულებებზე დაფუძნებულ მომავალს, რომელიც მათ თავად აირჩიეს და რომელსაც, სამწუხაროდ, ამჟამინდელი მთავრობა არ წარმოადგენს" — ამის შესახებ ფინეთის საგარეო საქმეთა მინისტრმა, ელინა ვალტონენმა ევროკავშირის საგარეო საქმეთა მინისტრების შეხვედრამდე განაცხადა. ინფორმაციას "ნეტგაზეთი" ავრცელებს.

ვალტონენმა ყურადღება რუსეთის მიერ საქართველოს ტერიტორიების ოკუპაციის საკითხზე გაამახვილა. მისი თქმით, უკვე თითქმის ორი ათეული წელია, რაც რუსეთის მიერ საქართველოს ტერიტორიების ოკუპაცია გრძელდება და საერთაშორისო საზოგადოებამ ქართველი ხალხის თავისუფლებისა და სუვერენიტეტის მხარდაჭერა უნდა გააგრძელოს.

"რუსეთს საქართველოს ტერიტორიები 2008 წლიდან აქვს ოკუპირებული. ეს უკვე თითქმის 20 წელია. რა თქმა უნდა, ქართველი ხალხი იმსახურებს თავისუფლებაზე და იმ ღირებულებებზე დაფუძნებულ მომავალს, რომელიც მათ თავად აირჩიეს და რომელსაც, სამწუხაროდ, ამჟამინდელი მთავრობა არ წარმოადგენს.

ამიტომ, ჩვენ მხარს ვუჭერთ ქართველებს და ვიმედოვნებთ, რომ ასეთი მომავალი არსებობს. მოდით, ერთად ვიმუშაოთ ამისთვის უახლოეს პერიოდში, რათა საქართველოს მთავრობამ უფრო მეტი ძალისხმევით იზრუნოს საკუთარი ხალხის თავისუფლებაზე და ამავდროულად აჩვენოს, რომ საქართველო დამოუკიდებელი, სუვერენული ქვეყანაა და არ სურს თავის ტერიტორიაზე რუსეთის ყოფნას ხედავდეს," — განაცხადა მან.