თბილისის ახალი ზოოპარკი დამთვალიერებლებს სავარაუდოდ ივლისის პირველი ნახევრიდან მიიღებს. ამის შესახებ ზოოპარკის დირექტორმა ზურამ გურიელიძემ IPN-თან საუბრისას განაცხადა.

მისი თქმით, ახალ სივრცეში პირველად კავკასიური ფაუნის წარმომადგენლები — დათვები, მგლები, ირმები და ნიამორები განთავსდებიან. პროექტის მიხედვით, საწყის ეტაპზე სტუმრებს მხოლოდ კავკასიური ექსპოზიციის ნახვა შეეძლებათ, გაფართოება კი მომდევნო წლიდან იგეგმება.

"პირველი ნაწილი გაიხსნება კავკასია, რაც კავკასიის ექსპოზიციას მოიცავს. მომავალ წელს ვგეგმავთ დაემატოს აფრიკა. ეტაპობრივად გაიხსნება ვოლიერები და დაემატება სხვადასხვა სახეობის ცხოველი. რაც შეეხება ჟირაფების ჩამოყვანას, ბევრ საკითხთან არის დაკავშირებული. ჯერ უნდა დავასრულოთ ვოლიერების მოწყობა და შემდეგ უნდა ჩამოვიყვანოთ, ვეცდებით მალე მოვიძიოთ ეს სახეობა", — განაცხადა ზურაბ გურიელიძემ (კომენტარს"ინტერპრესნიუსი" ავრცელებს).

რაც შეეხება ვიზიტის ღირებულებას, ადმინისტრაციაში განმარტავენ, რომ შესასვლელი ბილეთის საფასური ამ ეტაპზე ჯერ კიდევ დადგენის პროცესშია.