რუსეთის პრეზიდენტმა, ვლადიმერ პუტინმა ჩეჩნეთის ლიდერს, რამზან კადიროვს ჩეჩნეთის მეთაურის პოსტზე მორიგი ვადით კენჭისყრისთვის ოფიციალური მხარდაჭერა გამოუცხადა. კრემლში გამართულ შეხვედრაზე პუტინმა იმედი გამოთქვა, რომ 2026 წლის სექტემბრის არჩევნებზე მოსახლეობა კადიროვს მხარს დაუჭერს, რამაც წერტილი დაუსვა ხანგრძლივ გაურკვევლობას მისი გადადგომის შესახებ — ინფორმაციას OC Media ავრცელებს.

კადიროვმა პუტინს მადლობა გადაუხადა და ტრადიციულად განაცხადა, რომ მზად არის ემსახუროს მას, როგორც "რიგითი ჯარისკაცი" და "არასდროს გაუცრუებს მას [პუტინს] იმედს".

ასევე, შეხვედრაზე კადიროვმა აქცენტი გააკეთა ჩეჩნეთის როლზე უკრაინის წინააღმდეგ ომში. მისი თქმით, ფრონტზე უკვე გაიგზავნა 70 000-ზე მეტი მებრძოლი, რომელთაგამ 12 000-მა სახელმწიფო ჯილდოები მიიღო. კადიროვმა ასევე წარადგინა ეკონომიკური ზრდის მაჩვენებლები (122.6%), თუმცა ექსპერტები ამ მონაცემების სანდოობას ხშირად კითხვის ნიშნის ქვეშ აყენებენ.

მიუხედავად კრემლის საჯარო მხარდაჭერისა, კადიროვის გარშემო კვლავ აქტიურად განიხილება მისი ჯანმრთელობის მდგომარეობა. გავრცელებული ინფორმაციით, მას 2019 წელს პანკრეონეკროზის დიაგნოზი დაუსვეს.

ცნობისთვის, 2025 წლის გაზაფხულზე კადიროვმა მოულოდნელად პოსტის დატოვება ითხოვა, თუმცა მოგვიანებით განაცხადა, რომ პუტინმა მისი მოთხოვნა არ დააკმაყოფილა. რამზან კადიროვი ჩეჩნეთს 2007 წლიდან მართავს. 2021 წლის არჩევნებზე მან ხმების 99.7% მიიღო.