წარმოგიდგენიათ ისეთი ალტერნატიული რეალობა, რომელშიც მირანდა პრისლის როლს სხვა ადამიანი თამაშობს? — ჩვენ ვერა.

როგორც აღმოჩნდა, ამ საკულტო პერსონაჟის როლი კინაღამ სხვა მსახიობმა მოირგო. Today-სთან ინტერვიუში მერილ სტრიპმა განაცხადა, რომ კონტრაქტზე ხელის მოწერამდე ყოყმანობდა.

ფოტო: Getty Images

"თავიდანვე ვიცოდი, რომ წარმატებული იქნებოდა. სცენარი წავიკითხე და შესანიშნავი იყო. როცა დამირეკეს და როლი შემომთავაზეს, უარი ვუთხარი", — თქვა სტრიპმა.

მსახიობის თქმით, ფილმის პოპულარობაში დარწმუნებული იყო, ამიტომ სურდა, შესაბამისი ანაზღაურებაც მიეღო. "მაინტერესებდა, ჩემს მოთხოვნას თუ გავაორმაგებდი, რას იზამდნენ, რაზეც მაშინვე დამთანხმდნენ", — განაცხადა სტრიპმა.

ფოტო: ELLE

მსახიობმა ისიც დასძინა, რომ თუ თანხის გაორმაგებაზე უარს ეტყოდნენ, ამისთვისაც მზად იყო. ეშმაკს აცვია პრადას გადაღებამდე მერილ სტრიპი 56 წლის იყო და კარიერის დასასრულებლად ემზადებოდა. მიუხედავად ამისა, მირანდას როლის შესრულების შემდეგ, მსახიობისთვის მომდევნო რამდენიმე წელი პროდუქტიული გამოდგა.

როგორც ჩანს, ეს მსახიობისთვის კარგი გაკვეთილი აღმოჩნდა. მართალია, ეშმაკს აცვია პრადამდე სტრიპი პენსიაზე გასასვლელად მზად იყო, თუმცა მირანდას როლის შესრულების შემდეგ, მსახიობისთვის მომდევნო რამდენიმე წელი პროდუქტიული გამოდგა.

ოქტავია სპენსერი და მერილ სტრიპი ოსკარის 84-ე დაჯილდოების ცერემონიის შემდგომ გამართულ Governors Ball-ზე, 2012 წლის თებერვალში.

ფოტო: AP

მსახიობმა 2012 წელს მისი რიგით მესამე ოსკარი მოიპოვა ფილმისთვის The Iron Lady. აღსანიშნავია, რომ სტრიპი ოსკარზე მირანდა პრესლის როლისთვისაც კი იყო ნომინირებული.

აქვე შეგახსენებთ, რომ 2006 წელს გამოსული ფილმის მეორე ნაწილს ორიგინალი სამსახიობო შემადგენლობის მონაწილეობით დისნეი იღებს. მოდის ჟურნალის მთავარი რედაქტორის, მირანდა პრისლის, როლს მერილ სტრიპი შეასრულებს. მისი ასისტენტების, ანდრეასა და ემილის, როლებში კი კვლავ ენ ჰეთეუეისა და ემილი ბლანტს ვიხილავთ.

ფოტო: 20th Century Studios

ეშმაკს აცვია პრადას მეორე ნაწილში მთავარი პერსონაჟების როლების შემსრულებლების გარდა, სტენლი ტუჩის, პატრიკ ბრემალს, ლუსი ლიუს, ლედი გაგას, პოლინ შალამესა და სიმონ აშლის ვიხილავთ. ახალ ფილმში არ დაბრუნდება ადრიან გრენიე, რომელიც პირველ ნაწილში ანდრეას შეყვარებულის როლს თამაშობდა.

ეშმაკს აცვია პრადა 2-ის პრემიერის თარიღი 2026 წლის 1-ელი მაისია.

ამავე თემაზე: