ირაკლი კობახიძემ ჟურნალისტებთან საუბრისას საქართველო-ამერიკის ურთიერთობებთან დაკავშირებით განაცხადა, რომ გადატვირთვის ერთადერთი საზომი სტრატეგიული პარტნიორობის განახლებაა და მისივე თქმით, ამ პოზიციას ამერიკელ პარტნიორებთან საუბრისას აფიქსირებენ.

მან აშშ-ის სახელმწიფო მდივან მარკო რუბიოსთან ტელეფონით საუბრის დეტალებზე კითხვას არ უპასუხა, რადგან, მისი განმარტებით, დახურული ზარის თემაზე საზოგადოების წინაშე ვერ ისაუბრებს.

"ჩვენი ერთადერთი საზომი ურთიერთობების გადატვირთვის არის სტრატეგიული პარტნიორობის განახლება. ამას ვაფიქსირებთ ყველგან, როდესაც ვესაუბრებით ჩვენს ამერიკელ პარტნიორებს. რაზე ვისაუბრეთ მე და ბატონმა რუბიომ, ეს არის დახურული ზარის თემა და ამასთან დაკავშირებით საზოგადოების წინაშე ვერ ვისაუბრებ", — განაცხადა ირაკლი კობახიძემ.