დღეს, 3 აპრილს, 12:00 საათზე სინოდის სხდომა გაიმართება. ამის შესახებ ინფორმაცია საპატრიარქომ გაავრცელა. მათი ცნობით, სინოდის სხდომა საპატრიარქო ტახტის მოსაყდრის, სენაკისა და ჩხოროწყუს მიტროპოლიტ შიოს (მუჯირი) მოწვევით ჩატარდება და მისი მიზანი საორგანიზაციო თემების განხილვაა.

"ამა წლის 3 აპრილს, 12:00 საათზე საპატრიარქო ტახტის მოსაყდრის, სენაკისა და ჩხოროწყუს მიტროპოლიტ შიოს (მუჯირი) მოწვევით საქართველოს საპატრიარქოში წმინდა სინოდის სხდომა გაიმართება. მისი მიზანი საორგანიზაციო თემების განხილვაა

სხდომის მიზანია იმ საორგანიზაციო თემების განხილვა, რომლებიც არ არის გაწერილი საქართველოს მართლმადიდებელი ეკლესიის მართვა-გამგეობის დებულებით. მათ შორის, სინოდის შემდგომ სხდომებსა და გაფართოებულ კრებასთან დაკავშირებული დამატებითი დეტალები, კრების გამართვის ადგილი, დელეგატების მოწვევის პროცედურა და სხვა აუცილებელი საკითხები", — აღნიშნულია ინფორმაციაში.