აშშ-ში ვიზიტის ფარგლებში საგარეო ურთიერთობათა კომიტეტის თავმჯდომარე ნიკოლოზ სამხარაძე ევროპისა და ევრაზიის საკითხებში სახელმწიფო მდივნის თანაშემწეს ბრენდან ჰანრაჰანს შეხვდა.

მხარეებმა განიხილეს საქართველოსა და აშშ-ს შორის ორმხრივი სარგებლისკენ მიმართული თანამშრომლობის საკითხები.

"შესანიშნავი საუბარი იყო ევროპისა და ევრაზიის საკითხებში აშშ-ის სახელმწიფო მდივნის თანაშემწე ბრენდან ჰანრაჰანთან საქართველო-აშშ-ის ურთიერთობებზე, რუსეთის მიერ ტერიტორიების ოკუპაციით გამოწვეულ საფრთხეებზე, შავი ზღვის რეგიონში უსაფრთხოების გამოწვევებზე, შუა დერეფანზე/TRIPP-სა და ორმხრივ ეკონომიკურ თანამშრომლობაზე", — დაწერა სამხარაძემ X-ზე.

ცნობისათვის, ოცნების პარლამენტის დელეგაციის შემადგენლობაში არიან უმრავლესობის წევრები: ნიკოლოზ სამხარაძე, მარიამ ლაშხი, ლიკა შარტავა და ხალხის ძალის წევრი ეკა სეფაშვილი.