საქართველოს ეროვნული ბაკის ყოფილი ხელმძღვანელი, რომან გოცირიძე სებ-ის პრეზიდენტის ნათია თურნავას განცხადებას სოციალურ ქსელში გამოეხმაურა. მისი განმარტებით, თურნავამ ბანკებს მოუწოდა, რომ დიდი ბრიტანეთის მიერ "იმედისა" და "პოსტვ"-ისთვის დაწესებული სანცქციები არ აღესრულებინათ.

მისივე თქმით, რომ თუ აქაური ბანკი გადარიცხვას შეასრულებს, უცხოური არ მიიღებს და ვინც ამ შუამავლობას იკისრებს, "შავი დღე დაადგება".

"თურნავამ ბანკებს მოუწოდა, არ აღასრულოთ ბრიტანული სანქციებიო. ან თურნავას ვინ ეკითხება, ან აქაურ ბანკებს. აქაური თუ გადარიცხავს, იქაური არ მიიღებს და მორჩა. ვინც ამ შუამავლობას იკისრებს, იმას შავი დღე დაადგება.

თუ მაგრები არიან, "ქართუმ" და "ლიბერთიმ" აღასრულონ თურნავას მითითებები. იზამენ? აბა გაბედონ და მისცენ მაგალითი სხვებს.

სანქციები აღსრულდება! "იმედის" მზის ჩასვენება დროის საკითხია", — რომან გოცირიძემ სოციალურ ქსელში.

ცნობისთვის, სებ-ის პრეზიდენტმა, ნათია თურნავამ სამთავრობო პროპაგანდისტული ტელევიზიების "იმედისა" და "პოსტვ"-ის დასანქცირებასთან დაკავშირებით განაცხადა, რომ "თუკი წარმოიქმნება "კოლიზია" სხვა იურისდიქციაში მიღებულ ნორმატიულ აქტსა და საქართველოს კონსტიტუციასა და კანონმდებლობას შორის, მოქმედი კომერციული ბანკები ვალდებული არიან იმოქმედონ კონსტიტუციისა და კანონმდებლობით დადგენილი ნორმების შესაბამისად."

შეგახსენებთ, დიდმა ბრიტანეთმა "იმედი" და "პოსტვ" 24 თებერვალს დაასანქცირა.

მეტი "იმედისა" და "პოსტვ"-ის სანქცირებაზე: