"რადიო თავისუფლების" (RFE/RL) ბულგარული და რუმინული სამსახურები 2026 წლის 31 მარტს დაიხურება. ამის შესახებ ინფორმაციას თავად"რადიო თავისუფლება" ავრცელებს.

RFE/RL-ის პრეზიდენტმა და აღმასრულებელი დირექტორმა, სტივ კაპუსმა განაცხადა, რომ ეს გადაწყვეტილება მიმდინარე ბიუჯეტური გამოწვევებითაა განპირობებული.

"ეს გადაწყვეტილება იოლი მისაღები არ ყოფილა და ის, პირველ რიგში, მიმდინარე ბიუჯეტური გამოწვევებით არის განპირობებული. ჩვენ ვამაყობთ იმ შეუპოვარი და დაბალანსებული ჟურნალისტიკით, რომელსაც Svobodna Evropa და Europa Liberă România 2019 წელს ბულგარეთსა და რუმინეთში დაბრუნების შემდეგ ქმნიდნენ. მადლობას ვუხდით ამ გუნდებს ბოლო შვიდი წლის განმავლობაში თავიანთი აუდიტორიისა და RFE/RL-ის მიმართ გამოჩენილი თავდადებისთვის", — განაცხადა სტივ კაპუსმა.