"საქართველოს არალეგიტიმური ხელისუფლების წარმომადგენლები საკუთარ ხალხს ტერორისტებად მიიჩნევენ", — ამის შესახებ ესტონეთის პარლამენტის საგარეო ურთიერთობათა კომიტეტის თავმჯდომარე, მარკო მიხელსონი X-ზე წერს.

მარკო მიხელსონმა "ოცნების" პარლამენტის თავმჯდომარის, შალვა პაპუაშვილის პოსტი გააზიარა, სადაც პაპუაშვილი აღნიშნავს, რომ ბრიუსელი 4 ოქტომბერს პრეზიდენტის სასახლესთან განვითარებულ მოვლენებს არც დაგმობს და არც მისგან დისტანცირებას მოახდენს.

"საქართველოს არალეგიტიმური ხელისუფლების წარმომადგენლები საკუთარ ხალხს ტერორისტებად მიიჩნევენ. მე მაქვს პატივი ვიდგე იმ კეთილ ევროპელებთან ერთად, რომლებსაც არ დავიწყებიათ ქართველი ხალხის თავისუფლებისკენ სწრაფვა და რომლებიც ეწინააღმდეგებიან რუსეთის მცდელობას, გააფართოოს თავისი იმპერია საქართველოს ხარჯზე", — დაწერა ესტონეთის პარლამენტის საგარეო ურთიერთობათა კომიტეტის თავმჯდომარემ.