თბილისის სახელმწიფო უნივერსიტეტის და ტექნიკური უნივერსიტეტის წარმომადგენლები ოცნების ხელისუფლების განათლების მინისტრს, გივი მიქანაძეს 6 თებერვალს შეხვდებიან. ამის შესახებ თსუ-ს რექტორმა, ჯაბა სამუშიამ გუშინ, 3 თებერვალს განათლების უწყებაში მინისტრის მოადგილე, ზვიად გაბისონიასთან შეხვედრის შემდეგ განაცხადა, სადაც ის თსუ-ს აკადემიურ პერსონალს ხდებოდა.

შეხვედრის შემდეგ თსუ-ს რექტორმა, ჯაბა სამუშიამ განაცხადა, რომ მწვავე კითხვები დაისვა და დიალოგის გაგრძელება აუცილებელია და განათლების რეფორმის ფარგლებში მნიშვნელოვანი შეკითხვები პარასკევს,

"სამსაათ-ნახევარი მიდიოდა მინისტრის მოადგილესთან შეხვედრა. იყო მწვავე შეკითხვები. დაისვა საკითხი ორი უნივერსიტეტის გაერთიანებასთან დაკავშირებით. ორ ნაწილად გავყოფდი ამ შეხვედრას. ჩვენ შევთანხმდით, რომ შეხვედრა კვლავ გაგრძელდება მეორე ნაწილთან დაკავშირებით, არის როგორც ტექნიკურ საკითხებთან დაკავშირებული შეკითხვები, ისე პოლიტიკური საკითხები, რასაც მინისტრი გასცემს პასუხს.

გადავწყვიტეთ, რომ პარასკევს თსუ და ტექნიკური უნივერსიტეტი ერთად შეხვდებიან განათლების მინისტრს. გვექნება საუბარი უკვე კონკრეტულად ამ გადაწყვეტილებასთან დაკავშირებით. ერთი არის განათლების პოლიტიკის კუთხით, მეორე — ტექნიკური საკითხები, ვთქვათ, პროგრამების საკითხები. არსებობს გლობალური საკითხიც, როგორიცაა ორი უნივერსიტეტის გაერთიანების საკითხი, რაზეცაა საუბარი. მხედველობაში მაქვს, რომ განათლების გლობალური რეფორმის ფარგლებში მნიშვნელოვანი შეკითხვები დაისმება პარასკევს მინისტრთან. რაც შეეხება ტექნიკურ საკითხებს, მასთან დაკავშირებით დღესაც აქტიურად იყო საუბარი. თემა საკმაოდ მწვავეა. ვფიქრობ, აუცილებელია, გაგრძელდეს დიალოგი", — განაცხადა ჯაბა სამუშიამ საზოგადოებრივ მაუწყებელთან საუბრისას.

შეგახსენებთ, ოცნების ხელისუფლების ახალი საკანონმდებლო ინიციატივით, ივანე ჯავახიშვილს სახელობის თბილისის სახელმწიფო უნივერსიტეტი და საქართველოს ტექნიკურ უნივერსიტეტი გაერთიანდება. ამის შესახებ ბრიფინგზე ოცნების ხელისუფლების განათლების და მეცნიერების მინისტრმა გივი მიქანაძემ განაცხადა. მისი თქმით, ეს გადაწყვეტილება რექტორებთან წინასწარი კონსულტაციების საფუძველზე მიიღეს.

გივი მიქანაძის ბრძანებით შეიქნება მართვის დროებითი ორგანო — საბჭო და დაინიშნება რექტორის და რექტორის მოადგილეების მოვალეობის შემსრულებლები, რომლებიც რეორგანიზაციის პროცესს წარმართავენ.