ტექნიკური უნივერსიტეტის რექტორი დავით გურგენიძე "რადიო თავისუფლებასთან" ინტერვიუში აცხადებს, რომ გუშინ გაიგეს, ტექნიკური უნივერსიტეტი თბილისის სახელმწიფო უნივერსიტეტს რომ უერთდებოდა.

"კითხვა: გუშინ გაიგეთ, რომ თსუ-ს უერთდებოდით?

დავით გურგენიძე: კი ბატონო, გუშინ გავიგეთ, რომ ეს აზრი იყო.

კითხვა: თქვენ დააფიქსირეთ აზრი?

დავით გურგენიძე: არ დამიფიქსირებია. ჩემი პოზიცია ის არის, რაც უფრო უკეთესი იქნება ქვეყნისთვის და უნივერსიტეტისთვის, ამაზე ვიმსჯელებთ.

ჩემი პოზიცია ის არის, რაც უფრო უკეთესი იქნება ქვეყნისთვის და უნივერსიტეტისთვის", — ამბობს დავით გურგენიძე ინტერვიუში.

ცნობისათვის, ოცნების ხელისუფლების ახალი საკანონმდებლო ინიციატივით, ივანე ჯავახიშვილს სახელობის თბილისის სახელმწიფო უნივერსიტეტი და საქართველოს ტექნიკურ უნივერსიტეტი გაერთიანდება. ამის შესახებ ბრიფინგზე ოცნების ხელისუფლების განათლების და მეცნიერების მინისტრმა გივი მიქანაძემ განაცხადა. მისი თქმით, ეს გადაწყვეტილება რექტორებთან წინასწარი კონსულტაციების საფუძველზე მიიღეს.

ტექნიკური უნივერსიტეტის რექტორის თქმით, "კონსულტაციები ნიშნავდა, რომ მოისმინეს მათი ["ოცნების" ხელისუფლების] გადაწყვეტილება." კონსულტაციები იყო და ვისაუბრეთ ამაზე. დღევანდელი ხელისუფლება არ ჰგავს [მიხეილ] სააკაშვილს და გვექნება კონსულტაციები აკადემიურ საბჭოსთან, ფაკულტეტებთან და ერთად ვიმსჯელებთ".