რა შეიძლება გავაკეთოთ ერთ კვირაში? თუ ბერლინელ ტყუპებს მეთიუსა და მაიკლს დავუჯერებთ, მათ ერთ კვირაში თურქული ენა შვიდი წესის დაცვით და დღეში რვა საათიანი მეცადინეობის რეჟიმით შეისწავლეს.

ტყუპები ვიდეოში გვიზიარებენ იმ 7 წესს, რომელიც ენის შესწავლაში აუცილებლად დაგვეხმარება.

1. გავაანალიზოთ - რატომ?

ჩვენ ზუსტად უნდა გვქონდეს გაცნობიერებული, თუ რაში გვჭირდება კონკრეტული ენის შესწავლა, რა მიზანს ემსახურება ჩვენი სურვილი, რომ მიზანდასახულობა მოგვემატოს.

2. გავაკეთოთ სტიკერები

ტყუპებმა მთელ სახლში თითოეულ საგანს თურქული სახელწოდებები მიაკრეს. ისინი ყავასაც ვერ დალევდნენ ისე, რომ თურქულ ენასთან შეხება არ ჰქონოდათ.

3. შევიძინოთ პარტნიორი

სასურველია გვყავდეს მეორე ადამიანი, რომელიც შეძლებს ჩვენთან თურქულად საუბარს. ტყუპების შემთხვევაში ეს მარტივი იყო რადგან ისინი ერთმანეთს მხოლოდ და მხოლოდ თურქულად ესაუბრებოდნენ, რაც მიზნისკენ სვლას აჩქარებდა.

4. მოვამზადოთ მინი-მოტივაცია

შექმენით მიზნის მცირე მონახაზი. კონკრეტულად რომელი სფეროსთვის გჭირდებათ ენა. მეთიუსა და მაიკლს კვირის განმავლობაში უამრავი გამოწვევა ჰქონდათ. ისინი სტუმრად ეწვივნენ თურქ მეგობარს, რომელმაც ენის კარგად ათვისებისთვის ისინი შეაქო. მათი მთავარი სფერო საბაზრო ლექსიკით შემოიფარგლებოდა: ციფრებითა და დასახელებებით.

5. „ჭამე“ ენა

თქვენი დღის წესრიგი კონკრეტულ ენაზე ფილმების ყურებით, მუსიკის მოსმენითა და ამასთანავე კვებითაც უნდა შემოიფარგლებოდეს.

სასურველია თქვენს მიერ შერჩეული ქვეყნის სამზარეულოსაც თუ ეწვევით, როგორც ეს ტყუპებმა გააკეთეს. ისინი თურქულ სამზარეულოში მივიდნენ და ჭამის დროს აანალიზებდნენ უამრავ საკითხს თურქულად, რაც ამ კერძებთან იყო დაკავშირებული. მაგ.: შემადგენლობა, გემო და ა.შ.

6. გამოიყენეთ ის, რაც უკვე იცით

ტყუპებმა კიდევ ერთ ხერხს მიაგნეს. ისინი თურქულ ენაში ისეთ სიტყვებს ეძებდნენ, რომლებიც თავიანთ მშობლიურ ენასთან ეტიმოლოგიურად მეტად ახლოს იყო.

7. მეტი ვარიაცია

ენა იკითხება, ისმინება, იწერება და ვლაპარაკობთ. საჭიროა ოთხივე მათგანში გავარჯიშება. ტყუპები უსმენდნენ რადიოს, კითხულობდნენ წიგნებს, საუბრობდნენ თურქ მეგობრებთან, წერდნენ თურქულად სპორტული სიახლეების შესახებ და მათ ვებ-საიტზე ტვირთავდნენ.

თითოეულ ამ უნარს ინტენსიური ვარჯიში სჭირდება, ენის უკეთ შესწავლისთვის შეგიძლიათ საკუთარი ხერხებიც დაამატოთ.