ყოფილი პრემიერ-მინისტრი, იულია ტიმოშენკო, 2019 წელს, უკრაინის პრეზიდენტობისთვის იბრძოლებს. ინფორმაციას KyivPost ავრცელებს.

ეს ტიმოშენკოსთვის მესამე საპრეზიდენტო არჩევნები იქნება. 2010 წელს იგი ვიქტორ იანუკოვიჩთან დამარცხდა, 2014 წელს კი მოქმედ პრეზიდენტთან, პეტრო პოროშენკოსთან.

იულია ტიმოშენკო უკრაინის ერთ-ერთი ყველაზე ავტორიტეტული პოლიტიკური ფიგურაა. მისი კარიერა 1990 წელს დაიწყო და ათწლეულების განმავლობაში კანონმდებლის, პრემიერ-მინისტრის და საპრეზიდენტო კანდიდატის პოზიციებს იკავებდა. პოლიტიკური ოპონენტის მითითებით, ციხეშიც კი იჯდა. ახლა, საზოგადოებრივი აზრის გამოკითხვების თანახმად, ტიმოშენკოს პრეზიდენტის ოფისის დაკავების რეალური შანსი აქვს.