უკრაინის უმაღლესმა რადამ ვიცეპრემიერისა და ციფრული ტრანსფორმაციის მინისტრის პოსტზე მყოფი მიხაილო ფედოროვი თავდაცვის მინისტრად დანიშნეს — გადაწყვეტილებას მხარი 277 დეპუტატმა დაუჭირა.

ფედოროვმა თავდაცვის მინისტრის თანამდებობაზე არჩევის შემდეგ ფიცი დადო. გამოსვლისას ფედოროვმა განაცხადა, რომ უკრაინის მთავარი უსაფრთხოების გარანტი მისი თავდაცვის ძალებია.

"დღეს შეუძლებელია ძველი ორგანიზაციული სტრუქტურით და ახალი ტექნოლოგიებით ბრძოლა. საჭიროა ყოვლისმომცველი ცვლილებები.

ჩვენი მიზანია სისტემის შეცვლა: არმიის რეფორმირება, ფრონტის ინფრასტრუქტურის გაუმჯობესება, სიცრუისა და კორუფციის აღმოფხვრა და ახალი კულტურის ჩამოყალიბება, რომელიც დაფუძნებული იქნება ლიდერობასა და ნდობაზე," — განაცხადა ფედეროვმა.

ფედოროვმა ასევე დასძინა, რომ უახლოეს მომავალში "თავდაცვის სამინისტროსა და უკრაინის შეიარაღებული ძალების სერიოზულ აუდიტს" გეგმავს, რათა "აღმოაჩინოს დამატებითი შესაძლებლობები სამხედრო მოსამსახურეთა ფინანსური და სოციალური უზრუნველყოფის დონის გასაუმჯობესებლად".