საქართველოს კომუნიკაციების ეროვნულმა კომისიამ მიიჩნია, რომ ტელეკომპანიებმა რუსთავი 2 და იმედი თბილისის მერიის რეკლამა - გაკეთდა თბილისისთვის კანონდარღვევით განათავსეს.

"წარმოდგენილი ვიდეორგოლები საზოგადოებისთვის მნიშვნელოვანი ინფორმაციის მატარებელი არ არის. ვიდეორგოლებით - გაკეთდა თბილისისთვის - კონკრეტული ადმინისტრაციული ორგანოს რეკლამირება ხდება და აქედან გამომდინარე, არ შეესაბამება მაუწყებლობის შესახებ საქართველოს კანონის 661 მუხლის, მეორე პუნქტით განსაზღვრულ მიზანს", - განმარტა კომისიამ.

მაუწყებლობის შესახებ საქართველოს კანონის 661 მუხლის, მეორე პუნქტით, თბილისის მერიას სარეკლამო დროის შეძენა ან სოციალური რეკლამის სტატუსით, ან საზოგადოებისთვის მნიშვნელოვანი ინფორმაციის გავრცელების მიზნით შეეძლო.

კომუნიკაციების კომისიას განცხადებით საერთაშორისო გამჭვირვალობა - საქართველომ, ნაციონალურმა მოძრაობამ, ევროპულმა საქართველომ და უწყებათაშორისმა კომისიამ მიმართეს.

On.ge გთავაზობთ ვიდეორგოლს, რომელზეც კომისიამ მიიჩნია, რომ თბილისის მერიის რეკლამა იყო და საზოგადოებისთვის მნიშვნელოვანი ინფორმაციის მატარებელი არ არის.