ამერიკელი სენატორის ლინდსი გრემი აცხადებს, რომ აშშ-ის პრეზიდენტმა, დონალდ ტრამპმა მწვანე შუქი აუნთო ორპარტიულ კანონპროექტს რუსეთის სანქცირების შესახებ. ეს კანონპროექტი პრეზიდენტ ტრამპს საშუალებას მისცემს დასაჯოს ის ქვეყნები, რომლებიც ყიდულობენ იაფ რუსულ ნავთობს, რომელიც პუტინის საომარ მანქანას კვებავს.

"დღეს პრეზიდენტ ტრამპთან სხვადასხვა საკითხზე ძალიან პროდუქტიული შეხვედრის შემდეგ, მან მწვანე შუქი აუნთო ორპარტიულ კანონპროექტს რუსეთის სანქციების შესახებ, რომელზეც სენატორ ბლუმენტალთან და ბევრ სხვასთან ერთად თვეების განმავლობაში ვმუშაობდი.

ეს დროული იქნება, რადგან უკრაინა მშვიდობისთვის დათმობებზე მიდის, პუტინი კი მხოლოდ ლაპარაკითაა დაკავებული და უდანაშაულო ადამიანების მკვლელობას აგრძელებს.

ეს კანონპროექტი პრეზიდენტ ტრამპს საშუალებას მისცემს დასაჯოს ის ქვეყნები, რომლებიც ყიდულობენ იაფ რუსულ ნავთობს, რომელიც პუტინის საომარ მანქანას კვებავს.

ეს კანონპროექტი პრეზიდენტ ტრამპს უზარმაზარ ბერკეტს მისცემს ისეთი ქვეყნების წინააღმდეგ, როგორიცაა ჩინეთი, ინდოეთი და ბრაზილია, რათა წაახალისოს ისინი, შეწყვიტონ იაფი რუსული ნავთობის ყიდვა, რომელიც პუტინის მიერ უკრაინის წინააღმდეგ სისხლისღვრის დაფინანსებას უზრუნველყოფს.

მოუთმენლად ველი ორპარტიული კენჭისყრის ძლიერ შედეგებს, იმედია, მომავალ კვირას", — წერს სენატორი X-ზე.

შეგახსენებთ, რომ 7 იანვარს, აშშ-ის სამხრეთ სარდლობამ კარიბის ზღვის საერთაშორისო წყლებში ვენესუელასთან დაკავშირებული რუსეთის "ჩრდილოვანი ფლოტის" 2 ტანკერი დააკავეს — Marinera — ჩრდილო ატლანტიკაში და M/T Sophia — კარიბის ზღვაში. სამხედროების ცნობით, ორივე გემი აშშ-ის სანქციების დარღვევით უკანონო საქმიანობაში იყო ჩართული.