ვენესუელის დროებითმა პრეზიდენტმა დელსი როდრიგესმა სამხედრო მოსამსახურეების ხსოვნის პატივსაცემად, რომლებიც შაბათ-კვირას აშშ-ის მიერ განხორციელებული რეიდის დროს დაიღუპნენ, შვიდდღიანი გლოვა გამოაცხადა. ამის შესახებ ინფორმაციას Reuters ავრცელებს.

ვენესუელის მთავრობის განცხადებით, თავდასხმის შედეგად დაახლოებით ოცამდე ვენესუელელი ოფიცერი დაიღუპა. მანამდე კუბის მთავრობამ განაცხადა, რომ ვენესუელაში მათი 32 სამხედრო და პოლიციის თანამშრომელიც დაიღუპა, რის გამოც კუბაში ორდღიანი გლოვა გამოცხადდა.

შეგახსენებთ, აშშ-მა 3 იანვარს ვენესუელის პრეზიდენტი ნიკოლას მადურო და მისი მეუღლე დააკავა.