შვეიცარიის ფედერალური საბჭოს ინფორმაციით, შვეიცარიამ დაუყოვნებლივ მიიღო გადაწყვეტილება ნიკოლას მადუროსა და მასთან დაკავშირებული სხვა პირების აქტივების გაყინვის შესახებ. საბჭოს განცხადებით, გადაწყვეტილების მიზანი აქტივების შესაძლო გადინების თავიდან აცილებაა.

"გადაწყვეტილების მიზანია აქტივების შესაძლო გადინების თავიდან აცილება. აქტივების გაყინვა არ ვრცელდება ვენესუელის მოქმედი მთავრობის წევრებზე. იმ შემთხვევაში, თუ მომავალში სამართლებრივი პროცედურები დაადგენს, რომ თანხები უკანონოდ არის მოპოვებული, შვეიცარია ეცდება უზრუნველყოს, რომ ისინი ვენესუელელი ხალხის სასარგებლოდ იქნეს გამოყენებული. აქტივების გაყინვა დამატებით ღონისძიებას წარმოადგენს იმ სანქციებთან მიმართებით, რომლებიც ვენესუელის წინააღმდეგ 2018 წლიდან მოქმედებს ემბარგოს აქტის საფუძველზე," — ვკითხულობთ განცხადებაში.

საბჭოს განცხადებაში ასევე წერია, რომ უცხოელი პოლიტიკურად მნიშვნელოვანი პირების მიერ ფლობილი უკანონო აქტივების გაყინვისა და რესტიტუციის შესახებ ფედერალური კანონის (FIAA) საფუძველზე, აქტივების გაყინვა ემატება ვენესუელის წინააღმდეგ ემბარგოს აქტის ფარგლებში მოქმედ სანქციებს, რომლებიც 2018 წლიდანაა ძალაში და ასევე მოიცავს აქტივების გაყინვას.

შეგახსენებთ, აშშ-ს პრეზიდენტმა დონალდ ტრამპმა 3 იანვარს განაცხადა, რომ ვენესუელის პრეზიდენტ ნიკოლას მადურო და მისი მეუღლე დააკავეს და ქვეყნიდან ვერტმფრენით გადმოიყვანეს მას შემდეგ, რაც აშშ-მ კარაკასზე "მასშტაბური დარტყმები" დაიწყო.