ყოფილ გენერალურ პროკურორს, ოთარ რომანოვ-ფარცხალაძეს პატიმრობა დაუსწრებლად შეეფარდა.

სასამართლო პროცესზე პროკურორმა ლევან ვეფხვაძემ აღკვეთის ღონისძიების სახით პატიმრობის გამოყენების აუცილებლობაზე ისაუბრა. ვეფხვაძის განცხადებით, ფარცხალაძის შემთხვევაში მრავალი რისკი არსებობს, როგორიცაა მტკიცებულებების გაქრობა, მოწმეებზე ზემოქმედება და განმეორებით დანაშაულის ჩადენა. პროკურატურის ინფორმაციით, ფარცხალაძემ საქართველო 2025 წლის ივნისს დატოვა და რუსეთში წავიდა.

"საქმეზე გამოთხოვილი ინფორმაციის თანახმად, ის ამჟამად იმყოფება რუსეთში, 2025 წლის ივნისში დატოვა საქართველოს სახელმწიფო საზღვარი. საქმეზე გამოძიება დაიწყო 2025 წლის მარტის თვეში, როდესაც 14 მარტს მოკლეს ლევან ჯანგველაძე. რაც შეეხება საქმეზე ოპერატიულ ინფორმაციას, სადაც უკვე გაჩნდა ფიგურანტად მოპოვებული ინფორმაციის საფუძველზე, იყო აგვისტოს თვიდან," — განაცხადა ლევან ვეფხვაძემ. (ტექსტი ნეტგაზეთი)

ფირცხალაძის ადვოკატები პროკურატურის შუამდგომლობას არ დაეთანხმნენ და მიაჩნიათ, რომ ფირცხალაძე "საქმეში არ არსებული პირდაპირი მტკიცებულებების გამო აღმკვეთი ღონისძიების გარეშე უნდა დაეტოვებინათ — პროკურატურის წარმოდგენილი მასალები 32 ტომიანია. ადვოკატ გაგი მოსიაშვილის განცხადებით, მტკიცებულებები "გელა უძილაურის საქმის მასალებიდანაა გადმოკოპირებული".

შსს-ს ცნობით, ბიზნესმენ ლევან ჯანგველაძის მკვლელობას ყოფილი გენერალური პროკურორი ოთარ ფარცხალაძე ხელმძღვანელობდა და მისი ლიკვიდაცია ძმებ მიქაძეებთან ერთად დაგეგმა. ამის შესახებ ბრიფინგზე შს მინისტრის მოადგილემ, ალექსანდრე დარახველიძემ 29 დეკემბერს განაცხადა.