სხვადასხვა ქვეყნაში გადაღებული ეს 9 კადრი გვაჩვენებს გასული კვირის ყველაზე უჩვეულო, სახალისო და მოულოდნელ მომენტებს — ტრადიციებს, ყოველდღიურობასა და პატარა დეტალებს, რომლებიც სამყაროს მრავალფეროვნებას გვახსენებს.

1. უზბეკეთის წარმომადგენელი, ჯავოხირ სინდაროვი აშშ-ის წარმომადგენელ ჰანს ნიმანის წინააღმდეგ თამაშისას, წყალქვეშა ჭადრაკის შეჯიბრებაზე, კეიპტაუნი, სამხრეთ აფრიკა, 4 დეკემბერი, 2025 წელი.

ფოტო: REUTERS / Esa Alexander

2. უძველეს ავსტრიულ ტრადიციულ ფიგურად, კრამპუსად ან პერხტად, გადაცმული ადამიანი მონაწილეობს პერხტენების ტრადიციულ აღლუმში, ვენა, ავსტრია, 30 ნოემბერი.

ფოტო: REUTERS / Elisabeth Mandl

3. წყვილი და მათი ქალიშვილი ტელესკოპის საშუალებით აკვირდებიან 2025 წლის ბოლო სუპერმთვარეს, ე.წ. ცივ მთვარეს, აგუიმესში, გრან-კანარიის კუნძულზე, ესპანეთი, 4 დეკემბერი.

ფოტო: REUTERS / Borja Suárez

4. ოფიციალური მსოფლიო რეკორდსმენების, სიუზან და თომას იერომინების აბაზანა, რომლებიც Record Institute Germany-მა (RID) აღიარა ერთ სახლში გაფორმებული 621 საახალწლო ნაძვის ხით — რინტელნში, ჰანოვერის დასავლეთით, გერმანია, 4 დეკემბერი.

ფოტო: REUTERS / Jana Rodenbusch

5. სანტა კლაუსის კოსტიუმში გამოწყობილი მყვინთავი ცურავს თევზების აკვარიუმში — "ტროპიკარიუმი", ბუდაპეშტი, უნგრეთი, 4 დეკემბერი.

ფოტო: REUTERS / Bernadett Szabo

6. რობოტული სისტემა, რომელიც არქეოლოგებს საუკუნეების განმავლობაში დამარხული, ფრაგმენტებად დაშლილი ფრესკების აღდგენაში დაეხმარება და აერთიანებს მოწინავე გამოსახულების ამოცნობას, ხელოვნურ ინტელექტზე დაფუძნებულ "პაზლის" ამოხსნასა და ულტრა-სიზუსტის რობოტულ ხელებს, ტესტირებას გადის პომპეის არქეოლოგიურ ძეგლზე, იტალია, 27 ნოემბერი.

ფოტო: REUTERS / Guglielmo Mangiapane

7. სადღესასწაულო კოსტიუმებში გამოწყობილი ცუგები სეირნობენ სენტ-ჯეიმზის პარკში, "ლონდონის გადარჩენილი ძაღლებისა და მეგობრების" საშობაო ჯემპრების მეორე აღლუმ-სეირნობის ფარგლებში, რომლის მიზანია საბერძნეთსა და ჩინეთში გადარჩენილი ძაღლების მხარდასაჭერად თანხების შეგროვება, ლონდონი, ბრიტანეთი, 29 ნოემბერი.

ფოტო: REUTERS / Jack Taylor

8. მსახიობი ცეცხლს აფრქვევს ეროვნული ჯამბაზის დღისადმი მიძღვნილი აღლუმის დროს, სან-სალვადორი, ელ სალვადორი, 3 დეკემბერი.

ფოტო: REUTERS / Jose Cabezas

9. მუნიციპალური სამსახურის თანამშრომელი იატაკს წმენდს კალეიდოსკოპის ფორმის გვირაბში, ზამთრის ნათებების საშობაო ინსტალაციის ფარგლებში, დუბლინი, ირლანდია, 3 დეკემბერი.

ფოტო: REUTERS / Clodagh Kilcoyne