უნგრეთის დედაქალაქ ბუდაპეშტში გამართულ დემონსტრაციაზე პრემიერმინისტრ ვიქტორ ორბანის გადადგომას მოთხოვნით, ათიათასობით მომიტინგე შეიკრიბა. პროტესტი სახელმწიფო დაწესებულებებში, სავარაუდოდ, ბავშვზე ძალადობის ბრალდებებთან დაკავშირებით უმოქმედობის გამო დაიწყო. ამის შესახებ ინფორმაციას France 24 ავრცელებს.

2010 წელს ხელისუფლებაში დაბრუნების შემდეგ, ორბანმა პირობა დადო, რომ პრიორიტეტს ბავშვთა დაცვას მიანიჭებდა, თუმცა AFP-ის ცნობით, ბოლო დროს უნგრეთში ბავშვზე ძალადობის რამდენიმე გახმაურებული სკანდალი მოხდა.

AFP-ის ჟურნალისტების ცნობით, ქუჩებში სულ მცირე 50 000 მომიტინგე გამოვიდა.

ბოლო სკანდალი მაშინ დაიწყო, როდესაც გავრცელდა ვიდეომეთვალყურეობის კამერების ჩანაწერი, სადაც ჩანს, როგორ ურტყამს არასრულწლოვანთა დაკავების ცენტრის მაშინდელი დირექტორი ბიჭს თავში.

ამ კვირის დასაწყისში ოთხი თანამშრომელი დააკავეს და მთავრობამ ყველა ასეთი დაწესებულება პოლიციის ზედამხედველობის ქვეშ მოაქცია. მანამე, სამი თანამშრომელი დააკავეს, მათ შორის, ერთი ყოფილი დირექტორი, რომელსაც პროსტიტუციის ქსელის ხელმძღვანელობაში ადანაშაულებენ.

ვიქტორ ორბანმა ძალადობის ბოლო შემთხვევა დაგმო და განაცხადა, რომ "ასე ახალგაზრდა დამნაშავეებსაც კი არ უნდა მოექცნენ".

ალექსანდრე რაქვიაშვილი: უნგრეთში "არასრულწლოვანთა რეაბილიტაციის ცენტრში" ბავშვებზე ძალადობდნენ, მათ შორის, სექსუალურად