ევროპის ადამიანის უფლებათა სასამართლოს მოსამართლედ საქართველოდან ლადო ცხრაწლიანი ვადით ჭანტურია აირჩიეს. მის წინამორბედს, ნონა წოწერიას, სამოსამართლეო ვადა გაუვიდა.

პრემიერ-მინისტრმა გიორგი კვირიკაშვილმა უკვე ოფიციალურად მიულოცა ჭანტურიას აღნიშნულ პოსტზე არჩევა.

ლადო ჭანტურია 1999-2004 წლებში იყო საქართველოს უზენაესი სასამართლოს თავმჯდომარე, მანამდე კი, 1998-1999 წლებში, საქართველოს იუსტიციის მინისტრის პოსტი ეკავა. ჭანტურია წლების განმავლობაში ეწეოდა აკადემიურ საქმიანობას გერმანიაში, 2014 წლიდან კი, ის საქართველოს ელჩია გერმანიაში.

საქართველოს მთავრობამ სტრასბურგში მოსამართლის პოსტზე არაერთხელ წარადგინა კანდიდატები, თუმცა სია ორჯერ ჩავარდა. საბოლოოდ, არჩევანი შეჩერდა სამ კანდიდატზე: ლადო ჭანტურიაზე, ლალი ფაფიაშვილსა და ოთარ სიჭინავაზე, რომელთაგან მოსამართლის პოსტზე ევროპის საბჭოს საპარლამენტთაშორისო ასამბლეამ სწორედ ჭანტურია შეარჩია.